LabFellow

LemonTea

 

 

Brand Introduction
品牌介紹

“ LemonTea is created with two contrasting ingredients: lemon and tea. Lemon is young, new and refreshing, while tea is traditional, calm and profound.”

檸茶(LemonTea)係一種好有香港本土特色嘅嘢飲。

佢係由兩種感覺好唔同材料組成:檸檬同埋茶。

檸檬感覺係好年輕、新鮮、令人耳目一新,一種令人諗起都會流口水嘢感覺。茶就好唔同,比較傳統、平靜、有內涵,帶畀人一種讓時間漸漸慢咗落嚟嘢感覺。而檸茶(LemonTea)正正就係一種混合咗呢兩樣嘢嘅飲品。

每年香港七月、八月,夏天嚟臨嘅時候,就係凍檸茶出場嘅時間。無論去茶餐廳、食米線、食西餐,香港人都好鍾意飲凍檸茶。打完波出咗成身汗,飲一杯凍檸茶,哇,真係爽到喊,即刻有力翻去打多十場!做嘢做咗成朝終於放lunch,飲一杯凍檸茶,哇,人生即刻有返希望!

 LemonTea 就係一個咁樣嘅服裝品牌,由香港本土一班年輕嘅設計師用心設計,老細自己落手落腳搵最好、最舒服嘅布料,專登搵香港本土既廠,就係為咗做一件令你靈魂被Refreshed嘅衫。

LemonTea 

Refreshes your soul.

 

進駐目標:

訂立完整嘅品牌形象同方向,搵到合適嘅廠合作,一步一步將我哋嘅設計製作成產品,然後推出市場。另一方面,希望認識唔同做創作嘅朋友仔,係創作、心態、生活、宣傳、做生意嘅心得都可以交流吓。

Fashion Design時裝設計

Tee Shirt 設計、Tote Bag 設計、服裝及其他配件(Accessories)設計

Possibilities合作可能

聯乘主題 Tee Shirt 設計
與更多本地年輕設計師合作
與本地印刷商及布廠商合作
學校分享講座及工作坊
參與本地及海外市集
本地、海外實體店及網上寄賣