Campanula Handmade｜以毛線編織毛孩的故事
【實驗室伙伴故事】 Text / Kuen Photo / Andy
毛孩有分好多種，有貓、狗、兔仔等等，而今次要介紹的手作工藝師阿Ling喜歡的毛孩是雀仔。她喜歡的程度去到要成立品牌，以編織工藝記錄一眾毛孩的成長故事～
成長是溫暖且值得記錄
「Campanula Handmade」是一個織物的品牌，主理人阿Ling喜歡編織品溫柔的觸感，愛好以織物作記錄。品牌的誕生源自工藝師阿Ling家中的兩隻玄鳳鸚鵡：b仔和deDee。牠們很喜歡站在她的肩膀上，十分喜愛親近人，於是阿Ling想以織品好好記錄牠們的成長，成為日常的陪伴。因此她在2021年成立品牌，以織物為其他飼養寵物鳥，以至各類毛孩的飼主記錄寵物的成長印記。
進駐商店 又累又好玩
阿Ling是「駐場品牌實踐計劃」第一期的參加者，她在朋友的鼓勵下，鼓起勇氣填寫長長的報名表（！），最終成功加入計劃～
自從今年五月，她和另一個品牌進駐突破書廊的專枱區，開始駐店和寄賣的生活（詳情請看此文：https://trialanderror.hk/2025/02/08/with-all-my-heart/）
問到她覺得品牌在進駐後有甚麼改變，她說：「變得有系統咗好多！因為平日市集我喺度做介紹嘛，所以唔駛做太多多餘嘅嘢」，說罷吐吐舌頭，笑著繼續說，「但喺呢度進駐，我唔一定日日都喺度，所以要好好咁整理價錢牌、產品介紹之類嘢，配合書廊嘅收銀系統之餘，又方便客人自行了解產品。」
聽起來，工作量似乎都幾繁複啊？
「其實係幾好玩，學到好多嘢，但好攰囉！」然後她又發出銀鈴般的笑聲，接著又說，「學到點樣喺我個人唔喺舖頭嘅時候，點樣Present件貨俾客人睇，而且喺擺市集嘅時候，都會用返嗰套訂價錢同埋分產品嘅系統，所以對擺市集都有幫助。」
駐場的難忘事
突破書廊位處佐敦，又很近尖沙嘴，所以不時有外地旅客駐足閒逛。阿Ling回想起第一日當值的時候，貨品還未放上專枱，正在點算貨物時，有一位來自新加坡的旅客見到她的產品，覺得很吸引，於是他們開始聊天，意想不到地慢慢談到信仰。雖然那位客人知道她未有信仰，但也沒有特別說甚麼，只是邀請她一起祈禱，最後還成為她第一位客人。
報名小貼士！
最後阿Ling有一些小貼士給想要申請的朋友們：
「雖然張報名表好長、好多嘢填，但唔好驚！同埋要有一個肯嘗試嘅心，因為可能有好多嘢同原本諗嘅唔同，需要不時改動。」
如果你想好似阿Ling咁成為駐場品牌，要把握時間盡快報名了！
Campanula Handmade