資深攝影師教路：三個影靚靚product shot大法
Text /Mark Photo/ Andy
產品攝影睇落好易，但當中嘅竅妙一啲都唔易於掌握，所以我哋請教咗 「手作產品攝影技巧入門班」嘅導師 Andy（圖左），從事攝影好多年，佢話影到張吸引到客人，又影到理想中效果嘅產品攝影，其實真係要有啲經驗㗎！
第一，手作產品種類有好多，作為手作人係最了解產品材料同造工。而材質唔同，拍攝手法都會有所改變。所以，想影到靚仔嘅相，影相時要探索最啱你產品嘅Tone & Manner。例如全白定花花背景？有Mood嘅大光圈，定影到每個細節嘅細光圈？全部都唔可以亂影㗎～
第二，要影到理想嘅效果，參考圖片係不可或缺！可能你想要嘅效果，同攝影師心目中嘅效果都唔一樣，但只要搵到一張「啱Feel」嘅參考圖片，就可以成為你好好嘅參考。Andy提到，如果你決定搵攝影師幫手影，有參考圖片就可以幫你手同攝影師溝通，唔會影出嚟貨不對版。
第三，燈光係直接影響相片效果嘅重要因素。攝影本來就係一個光學嘅應用，燈光當然係重點。而產品攝影嚟講，燈光亦係帶出產品細節嘅重要元素。只要燈打得好，就可以令到細節位同設計嘅心思，都可以俾人睇得一清二楚。但，你又識買燈嗎？點Set燈先唔會「爆光」？（Well，小編仲學緊……）
如果你想自己嘅手作品牌喺眾多品牌到脱穎而出？歡迎你報名參加「手作產品攝影技巧入門（基礎）」課程，就可以跟Andy學到以上三大要點！
（根據可靠消息，手作產品攝影技巧入門「基礎」& 「進階」得返極少量名額，要報就快啦~）
| Trial Academy實驗課程推介！
【#手作產品攝影技巧入門（基礎)】 課程包括5大範疇： 上課日期：2022年7月8日（五） *同時報讀手作產品攝影技巧入門（進階），可享組合價！ |
相關文章：
導師簡介
黃國榮 Andy Wong
現為突破機構主責攝影師，25年來涉獵不同類型的攝影工作，當中累積超過10年產品攝影經驗，亦有負責 Trial and Error Lab、Breakazine 突破書誌和網媒 Little Post 「一小步」等拍攝 。作品包括攝影故事集「火柴人日記1-3」，亦曾擔任《U-plus》雜誌（2001-2007）封面及專題攝影師、參與系列短片趁還有墟 – 收集小店風情、留下人情回憶製作，並於誠品書店（香港）展出其攝影作品。近期，更擔任網上選物平台「盒嘢」的主責攝影師，平台上所有作品均由他拍攝。